Nakangato ti security alert ti U.S. Embassy idiay Manila kalpasan a pimmusay dagiti dua a Filipino-American iti engkwentro ti militar ken New People’s Army idiay Toboso idi Abril 19.
Nabalakadan dagiti umili nga Americano a liklikanda dagiti lugar nga addaan ti aktibo nga operasion ti militar, karaman ti Negros, Leyte, Samar, ken Mindoro.
Ibilang ti Estados Unidos ken Pilipinas iti NPA kas foregn terrorist organization. Nabalakadan met dagiti Amerikano nga agannad no agbiaheda kadagiti rural area ken dagus a pumanaw no makakitada ti armado a grupo.
Nangipaulog pay iti embahada ti Demonstration Alert mainaig iti protesta ti Labor Day idiay Metro Manila.
Nabalakadan dagiti U.S. citizens a liklikanda dagiti dadakkel a panagtitipon tapno maliklikan ti posible a riribuk.
Paset daytoy ti naing-inget a seguridad ti embahada iti pagilian.###
