Ad-adalen itan ti gobierno iti panangidatag iti sedition, conspiracy ken dadduma pay a reklamo kontra kenni Vice President Sara Duterte.
Daitoy ket mainaig paylaeng ti pangta na iti biag ni Presidente Ferdinand Marcos Jr., First Lady Liza Marcos ken House Speaker Martin Romualdez.
Kinuna ni Department of Justice Usec. Jesse Hermogenes Andres a maibasar dagiti insawang a panagpangta ni VP Sara, ikonkonsidera da itan ti bise a kas mastermind iti assassination plot kontra iti Chief Executive.
Maipalagip nga inaklon a mismo ni Duterte a nangala isuna iti assassin tapno ipapatay ni PBBM , FL Liza ken Speaker Romualdez apaman isuna ket matay.
Kabayatanna, inlawlawag met ti Bise a mapasamak laeng daitoy nu matay wenno mapatay isuna.
Inlawlawag ni Andres a makitaan ti legal liabilities ti maysa nga indibidwal nu adda iti panangpangta na ti biag iti Presidente ti pagilian.
Mabalin kunana a sumango ti legal consequences ni Vice President Sara Duterte gapo iti panangpangta daitoy.
