LA UNION – Impanamnama iti pulisya a nakasaganan ti panangipaayda ti seguridad para iti panangrugi ti Baggak Festival idiay ili ti Bauang, La Union inton bigat.
Kinuna ni C/Ins. Danilo Ligayo, hepe ti Bauang Police Station, agtultuloy iti nainget a presensya ti pulisya iti nasao nga ili agingga iti panaglippas ti festival inton Enero 05, 2019.
Adda met iti kanayunan nga tauhanda nga aggapu manipud iti La Union Police Provincial Office gapu ta karaman kadagiti masakupan a marambakan iti uneg kadagiti nadakamat a petsa ket iti Paskua ken iti panangsarabo ti Baro a Tawen.
Kabayatanna, namnamen met ni Ligayo iti kordinasyon dagiti ganganaet ken umili tapno agbalin a naannyas dagiti dadakkel nga events idiay ili ti Bauang.
