Inyuswat ti kumpanya idiay Japan ti maysa a teknolohiya a kabaelan nga ipangato iti intero a balay nu adda iti insidente ti ginggined.
Pagaammo iti pagilian a Japan a masarakan iti pacific ring of fire — maysa a rehiyon iti aglawlaw ti Pacific Ocean nga aktibo dagiti ginggined ken panag-alburoto dagiti bulkan kasta met ti panaggaraw dagiti uppat a tectonic plates a naglikmut iti nasao a pagilian: Pacific Plate, Philippine Sea Plate, Eurasian Plate, ken North American Plate.
Daitoy iti rason nu apay a tarigagay da iti makaimbento ti kabaroan a teknolohiya tapno kontraen dagiti kakastoy a klase ti didigra.
Ti proyekto a mangbukel iti naisangsangayan a seismic isolation system a kabaelang nga ipangato ti intero a balay nu adda iti ginggined ket indauloan ti imbentor a ni Shoichi Sakamoto.
Iti kanitot a marikna iti panagdayeg, dagos nga agparuar iti compressed air iti sirok ti balay a mangiduron kadaitoy ti agingga 3 a sentimetro nga umdas tapno sagrapen iti nakaro a panagdayeg.
Nupay imballaag dagiti eksperto a mabalin a mapadas iti imbesyon kadagiti dadakkel ken multi-directional a ginggined, agtaltalinaed met a positibo iti imbentor a ni Sakamoto.
Iti agdama ket maiyaw-awis iti crowdfunding tapno maitandudo ti floating house system, saan laeng nga idiay Japan nu di ket kadagiti dadduma pay a pagilian ti intero a lubong.
