Saan a nagparang ni Senador Ronald “Bato” Dela Rosa iti panagsubli ti sesion ti Senado idi kalman, kalpasan ti maudi a serrekna idi Nobiembre, napalabas a tawen.
Iti panaglukat ti sesion ti senado, 22 laeng a senador iti dimmar-ay ken ni laeng Dela Rosa iti awan.
Iti maysa nga ambush interview, imbaga ni Senate President Vicente “Tito” Sotto III a saan na a makasarsarita ti personal iti senador.
Kenunana, nasdaaw daytoy no kasano a nakapirma iti nairuar a minority report mainaig iti panagdengngeg ti Blue Ribbon Committee kadagiti maipagarup nga anomalia kadagiti flood control projects.
Innayon ni Sotto nga awan ti ammona iti lokasion ni Dela Rosa.
Saanen a nakita ni Dela Rosa kalpasan ti naudi a serrek na iti Senado idi Nobiembre, mainaig iti maipagarup a panangiserbi ti arrest warrant maibusor kenkuana manipud ti International Criminal Court maipapan iti pannakipasetna iti war on drugs bayat ti administrasion ni Duterte nga agdama a makasangsango ti Crimes against humanity.###
