LA UNION – Imbutaktak ni Senator Christopher ‘Bong’ Go a naikkaten dagiti security details na.
Imbaga ti senador a napasamak daytoy sakbay pay a naikkat dagiti police security a naka-assign kenni Vice President Sara Duterte.
Kinuna na a tallo a lawasen ti napalabas sakbay pay a rimwar ti isyu a pannakaibabawi iti PNP security personnel a naka-assign iti Bise Presidente .
Ngem impaganetget na a saan a madanagan nga uray napukawan ti security detail agsipudta nasanay ken sigud metten nga awan ti guwardiya na.
Maipalagip a kwinestiyon ti Bise Presidente iti pannaka-ikkat dagiti 75 a police escort na ket inawaganna pay daytoy a maysa a kita ti political harrasment.
