Pinasingkedan ni Vice President Sara Duterte a pinalubosan isuna ni Chief of Staff na si Atty. Zuleika Lopez a makaawid tapno makita dagiti annak na.
Kinuna ti Bise Presidente a ti sumukat kekuana nga agbantay ket ni Senator Bong Go ken innayon na pay nga agsubli metlaeng isuna ita nga rabii idiay Veterans Memorial Medical Center (VMMC).
Agdama a nakaconfine idiay VMMC ni Lopez kalpasan a matalimudaw ken nakapadas ti panic attack.
Maipalagip a kinuna ti PNP doctor a natalgeden ti kondisyon ni Lopez gapo ta normal metten dagiti vital signs na.
Kabayatanna, iti interview met kenni Senator Ronald Dela Rosa, kinunana nga ti agdama a kondisyon ni Atty Lopez ket “traumatized” gapo iti pannakaiyakar kenkuana iti detention facility.
Segun kenni Dela Rosa, mabuteng ni Lopez a maiyakar iti Women’s Correctional idiay Mandaluyong City gapuanan a bantayan paylaeng isuna ni Sen. Bong Go.
