Panggep a pilaan ti kaso ni Sen. Erwin Tulfo dagiti 18 nga Ex-Marines a nangibaga a nakaawat isuna ken dadduma pay a personalidad kadagiti maleta ti kwarta manipud kenni sigud a Congressman Zaldy Co.
Segun kenni Tulfo, ara-aramid laeng ti alegasyon dagiti nagpaam-ammo kas sigud a marines iti nabirngasan kas Cayetano bloc.
Gapo kadaitoy ket pagsagsaganaan nan iti panangipila ti kaso tapno mapilitan dagitoy a mangipresentar ti ebidensya iti korte.
Kinarit na pay dagiti 18 a mangipila ti reklamo idiay Office of the Ombudsman nu agpayso nga addaan ida ti natibker nga ebidensya a mangdiin kenkuana.
Agtaltalek iti Senador a nga isuna ken ti kabsat na a ni Sen. Raffy Tulfo ket puntirya laeng dagiti pammadakes agsipud ta maibilang ida a pangta ti 2028 presidential ken vice presidential elections gapo iti nangato da a ratings kadagiti surveys.
