BR LA UNION – Inwaragawag ti Akbayan a nakasagana da nga ipaay ti sibubukel a suporta kenni Senador Risa Hontiveros ingkaso a tumaray kas presidente inton 2028.
Segun iti partido, ni Hontiveros ket maysa kadagiti lider a mabalin a makatulong iti pannakaiya-un ken pannangurnos ti pagilian iti tengnga ti krisis iti panangimaton, kinakurapay, ken pannakadismaya ti publiko iti gobyerno.
Immunan nga imbaga ni Hontiveros a silulukat a tumaray iti kina-presidente nu isuna ti pilyen nga standard-bearer ti oposisyon iti sumaruno nga eleksiyon.
Posible a makasango na inton 2028 ni Vice President Sara Duterte nga immunan a nagdeklara a tumaray inton 2028 election.
Maibilang iti Bise Presidente a maysa a napigsa a posible a kandidato iti kina-presidente.
