Impaganetget ni senator-judge Panfilo “Ping” Lacson a saan a maibilbilang kas naan-anay nga umno wenno ‘gospel truth’ dagiti senador iti findings ni financial analyst Atty. Alexander Cabrera iti impeachment trial ni Vice President Sara Duterte.
Segun kenni Lacson, silulukat dagiti senator-judges kadagiti kontra-argumento ti depensa a mabalin a mangpakapsot ti opinyon, testimonya, ken kredibilidad ni Cabrera iti cross-examination.
Simmang-ayon met ditoy ni Presiding Officer Francis “Chiz” Escudero, a nangkuna a saan a conclusive wenno binding iti testimonya ti expert witness.
Maiyannurot iti rules ti impeachment court, adda iti desision dagiti senator-judges iti panagsukat ti kinadagsen ti opinyon ken ebidensya a maiparparang iti panagusig.
