Imbutaktak ni Senator Rodante Marcoleta nga adda ti maysa a kongresista iti maipagarop a nakisarita iti abogado ni Discaya tapno mangiraman ti Senador ken maliklikan a ma-contempt kabayatan iti naangay a panagdingeg idi kalman ti House Infrastructure Committee.
Adda iti ikot ti senador iti nadakamat a mensahe kas pammaneknek.
Impaganetget met ti Senador a rumbeng a maamwan no sino dagiti indibidual a masansan a kasarsarita ni Department of Public Works and Highways Undersecretary Maria Catalina Cabral a maipagarop a sindikato kadagiti flood control projects.
Maipalagip a nairaman iti nagan da Senator Joel Villanueva ken Sen. Jinggoy Estrada babaen iti panangibutaktak ni sigud a DPWH district engineer Brice Ericson Hernandez a maipagarop a makaaw-awat ti kickback dagiti flood control projects idiay Bulacan, banag a pinaglibakan dagiti dua a Senador.###
