Pinasingkedan ti National Bureau of Investigation (NBI) nga ibilbilangda a “person of interest” ni Senador Robin Padilla mainaig iti panagpukaw ken lokasion ni Senador Ronald “Bato” dela Rosa kalpasan a pimmanaw daytoy iti Senado idi parbangon ti Huebes.
Segun kenni NBI Director Melvin Matibag, maipagarup a ni Padilla ti naudi a nakita a kadua ni Dela Rosa sakbay a naan-anay a mapukaw iti uneg ti Senate premises.
Pimmanaw ni Dela Rosa idiay Senado sumagmamano nga oras kalpasan iti tensyon ken ti naipadamag a pammaltog iti uneg ti pasdek idi Mierkules ti rabii, bayat a nakapaisidong isuna ti “protective custody” ti Senado mainaig ti warrant manipud ti International Criminal Court gapu iti kaso a crimes against humanity nga adda pakainaiganna iti war on drugs ti napalabas nga administrasion.
Imbaga met ni Matibag nga adda ti pammati dagiti sumagmamano nga agents ti NBI a posible nga inaramid a “diversion” iti napasamak a pammaltog tapno makatakas ni Dela Rosa.
Agtultuloy met a makikokoordinar ti NBI iti Department of Justice bayat nga agtultuloy iti imbestigasion ken iti posible nga ayan ni Dela Rosa.###
