BR LA UNION – Kontra ni Senador Raffy Tulfo a maibasura iti impeachment case kontra kenni Vice President Sara Duterte agingga nga awan ti mapasamak a panagdengngeg.
Segun kenni Tulfo, nasken a matuloy iti impeachment trial tapno maikkan met ti gundaway iti bise presidente a madepensaan ti bukodna a bagi.
Kinuna na a daytoy iti gundaway tapno paneknekan ni Duterte nga inosente kontra kadagiti reklamo a naidatag kenkuana.
Kabayatanna, tinabla na iti imbaga ni Senador Ronald “Bato” dela Rosa a nasken a mapasingkedan nga umuna nu adda jurisdiction iti 20th Congress iti impeachment case ni VP Sara.
Kinuna ni Tulfo nga adda hurisdiksiyon ti Kongreso ken saanen a rumbeng a pagsaritaan daytoy.
Gaputi dayta, agsag-saganan iti senador iti umadani nga impeachment trial a posible a mangrugi inton Hulyo 29.
Gaputa first time na ti agtugaw kas senator-judge, napateg kunana a peparado ken saan a blanko.
Iti udi, imbaga na nga awan ti makita na a ‘delaying tactics’ ket imbaga na a napateg a maisayangkat ti impeachment trial.
