Maaddaan ti caucus ita a Lunes dagiti senator-judge tapno talantanen iti voting threshold iti panangukom kenni Bise Presidente Sara Duterte iti agtultuloy nga impeachment trial.
Segun kenni Senator-Judge JV Ejercito, mapagsasaritaan no kasapulan nga ipasidong iti binnotos ti sibubukel nga impeachment court iti saritaan wenno mabalin daytoy a resolbaen babaen ti consensus.
Iti agdama, 16 a botos iti kasapulan para iti conviction, maibasar iti two-thirds ti 24 a miembro ti Senado. Nupay kasta, nagduduma iti nagbalin a perspektibo dagiti sigud a mahistrado ti Korte Suprema seknan iti no sino iti rumbeng nga iraman iti bilang dagiti botante.
Kenuna met ni Senator-Judge Panfilo “Ping” Lacson a saan a rumbeng a darasen iti desision ken mabalin nga awan ti binnotos inton Setiembre 23 no kasapulan pay ti kanayunan a panawen para iti oral arguments.
Iti agbalin a resulta ti caucus iti manamnama nga agbalin a basaran ti impeachment court kadagiti sumaruno nga addang sakbay iti pinal a pangngeddeng.###
