Pinasingkedan ti Senate Director of Protocol Services nga awan ti inruar da a travel authority (TA) para kenni Senator Robin Padilla nga adda ita idiay The Netherlands.
Karaman gamin ti senador a kadwa ni Bise Presidente Sara Duterte ken sigud a presidential spokesperson Harry Roque a nagbiahe agturong sadiay The Hague tapno bisitaen ti sigud a presidente Rodrigo Duterte.
Nakalanad iti Senate Policy Order on Foreign Travels a naamyendaran idi 2016 babaen kenni Senate President Franklin Drilon a saanen a kasapulan a mangala ti Travel Authority nu personal met iti biahe nga epektibo met para kadagiti senador ken uray dagiti empleyado ti senado.
Maipalagip a biniita ti bise presidente ti ama na a nakakulong ita sadiay International Criminal Court gapo iti crime against humanity a nagtaud manipud iti kampanya na kontra ilegal a droga.
