Impaganetget ti Korte Suprema nga awan ti hurisdiksyon ti Senado tapno mangisayangkat pay ti ‘impeachment proceeding’ tapno maipasidong ti panagdengngeg ni Vice President Sara Duterte.
Saanen a mabalin nga agtuloy wenno ag-convene ti Senado kas ‘Senate Impeach Court’.
Daitoy mismo ti kinuna ni Supreme Court Spokesperson Attorney Camille Sue Mae Ting kasaruno iti deklarasyon kas ‘unconstitutional’ ti ‘articles of impeachment’ nga impila iti Kamara.
Kinunana nga awan ti hurisdiksyon ti Senado tapno agtuloy pay agsipud ta nawaswasen iti ‘impeach complaint’ ken naideklaran a saan a maiyannurot iti linteg.
Gapo iti dayta ket nagudwa-gudwa met ken nakagun-od iti nagduduma a reaksyon manipud iti publiko iti desisyon ti Korte Suprema kontra ti Bise Presidente.
Iti biang ti pannakangiwat ti Partido Demokratiko Pilipino a ni Attorney Ferdinand Topacio, nakaragsakan na la unay iti nasao a resolusyon.
Imbida na a rugrugi paylaeng ket nagtignay dan nga ‘unconstitutional’ iti ‘articles of impeachment’ isu a maayatan isuna iti deklarasyon ti Korte.
