Mangiyuswat ti caucus dagiti senador inton Lunes tapno dakamaten ti panangimbitar iti Senate Blue Ribbon Committee hearing kada Congressman Zaldy Co ken sigud nga House Speaker Martin Romualdez.
Nupay kasta gapo iti inter-parliamentary courtesy ket saan a mabalin a mapuersa dagiti dua a dumar-ay iti panagdengngeg ti Senado. Imbatad met ni Senador Erwin Tulfo a kayat na nga ipaikkat nga umuna ti kortesiya tapno laeng makadar-ay dagiti kongresista a karaman kadagiti maanomalya a proyekto ti gobierno, partikular dagiti flood control projects.
Sakbayna ket kinuna ni Blue Ribbon Committee Chairman Senador Ping Lacson a mailabsing ti tradisyon iti inter-parliamentary courtesy ti panangimbitar iti maysa a mamanday-linteg manipud idiay Kamara.
