Pinasingkedan ni Assistant Ombudsman Mico Clavano a naawaten ti Senado ita nga aldaw, Mayo 18, iti suspension order kontra kenni Senate Acting Sergeant-at-Arms Mao Aplasca ken subpoena para iti CCTV footage ti napasamak a pinnaltog idiay Senado idi Mayo 13.
Daytoy ket kalpasan a nakita dagiti dua a personnel ti Office of the Ombudsman iti Senado itay bigat.
Maipalagip a kenuna idi ni Ombudsman Jesus Crispin Remulla a nagkedked iti Senado nga awaten iti subpoena para iti CCTV footage ken dagiti dokumento mainaig kenni Aplasca, a naipasidong iti innem a bulan a suspension nga awanan ti sueldo bayat a maim-imbestigaran.
Im-imbestigaran ti Ombudsman iti shooting incident iti maikadua a kaadsaaran ti Senado idi napalabas a lawas. Inaklon ni Aplasca nga isuna iti umuna a nagpaputok ti warning shot kas paset ti “rules of engagement” iti komprontasion-da kadagiti kameng ti National Bureau of Investigation (NBI).###
