Intuding ti Senado iti petsa nga Agosto 6 tapno dakamaten iti ruling nga inruar ti Korte Suprema mainaig ti impeachment ni Bise Presidente Sara Duterte.
Segun kenni Senate President Francis ‘Chiz’ Escudero, napateg a maaddan pay nga umuna iti oras dagiti senador nga adalen iti ruling.
Innayon na pay a nagtulagen dagiti senador iti maisaysayangkat a caucus seknan iti panagtaripnong da iti isyu.
Agtalek pay ti Senate President a saanen a kasapulan nga ag-convene ti Senado a kas impeachment court tapno pagbotosan iti SC ruling.
Nu ketdi ket nasken nga agtungpal iti Senado iti ruling ti Korte Suprema tapno maliklikan iti aniaman a constitutional crisis.
Maipalagip a nangiruar ti SC ti ruling a ti naipila nga impeachment ket mailabsing ti probisyon iti konstitusyon agsipud ta saan a mabalin iti mangipila ti nasursurok pay ngem maysa iti uneg ti maysa a tawen.
