BR LA UNION – Pagbobotosan ita nga aldaw idiay Senado nu tungpalen da iti desisyon ti Korte Suprema a nangibasura iti impeachment ni Vice President Sara Duterte.
Namnamaen ti nabara a debate manipud kadagiti Duterte bloc a pakaibilangan da Senator Ronald dela Rosa, Bong Go ken Robin Padilla kontra kada Senate Minority Leader Vicente Sotto III, Risa Hontiveros, Kiko Pangilinan ken Bam Aquino.
Kinuna met ni Senator Erwin Tulfo, chairman ti Senate Committee on Social Justice, a denggen na iti agsumbangir a benneg.
Maibasar iti Duterte bloc senators, rumbeng nga agtungpal ti Senado iti desisyon nga inruar ti Korte Suprema.
