Posible nga amyendaran ti Senado dagiti rules tapno mangipataw ti dusa kadagiti senador a lumanglangan iti sesion, segun kenni Sen. JV Ejercito.
Kasaruno daytoy iti ethics complaint kontra kenni Senador Ronald ”Bato” Dela Rosa gapu iti nabayagen a kaawanna iti Senado.
Kenuna ni Ejercito kas chairperson ti Senate Ethics Committee, ti amendment ket mabalin nga aramiden ti Rules Committee ken masapul nga aprobaran ti plenario.
Segun kenkuana, saan a napakadaan nga adda ti legislator a saan a sumrek, isu a nasken nga amyendaran dagiti pagannurotan ti Senado kas building body.
Maipalagip nga iti reklamo kontra kenni Dela Rosa ket inpila ti civil society group a Wag Kang KuCorrupt, ngem mabalin a ma-dismiss a dagus gapu ta awan ti agdama a patakaran iti Senado maipapan iti “no work, no pay.”
Sipud idi Nobiembre 11, 2026, saanen a nagatendar ni Dela Rosa kadagiti session kalpasan nga imbaga ni Ombudsman Boying Remulla nga adda ti arrest warrant manipud iti International Criminal Court (ICC) kontra iti senador.
Kas sigud nga hepe ti pulisya iti sidong ni former president Rodrigo Duterte, intudo isuna ti ICC a maysa kadagiti “co-perpetrators” kadagiti kaso ti extrajudicial killings kabayatan ti kampanya a ‘war on drugs’.
Inlawlawag ni Ejercito nga iti agbalin a desision iti ethics complaint ket procedural laeng ken saan a panangpadas a mangsalaknib iti kadua.###
