Nagpakdaar ni National Bureau of Investigation (NBI) Director Melvin Matibag kontra iti panangusar iti Senado kas paglemmengan dagiti pugante, kasaruno iti panagpukaw ni Senador Ronald “Bato” dela Rosa kalpasan nga inbaga dagiti sumagmamano a senador a nakapaisidong isuna iti “protective custody” ti Senado ken isango no kasapulan.
Segun kenni Matibag, naaddaanda ti panagsarita ni Senate President Alan Peter Cayetano idi Mayo 11 mainaig ti gandat a panangarestar kenni dela Rosa mainaig ti kaso daytoy idiay International Criminal Court (ICC) maipapan iti war on drugs kabayatan ti
administrasion ni sigud a Presidente Rodrigo Duterte.
Inpaganetget ni Matibag nga adda ti pagsungsungbatan ti Senado nga isango ni dela Rosa no ipaayab ti korte.
Nagballaag met isuna a no napalubusan a maproteksionan dagiti pugante, mabalin a kumapsut iti panagtalek ti publiko iti hustisia ken panagraem iti linteg.
Maipalagip nga apagbiit a nagpakita ni dela Rosa iti Senado tapno agbotos iti rigodon iti liderato sakbay a nagpukaw manen iti mata ti publiko.###
