Saan a nagbabawi ni Senador Ronald ‘Bato’ dela Rosa ti pannakaipatungal na ti mapapati a nadara a gubat kontra droga ti napalabas nga administrasion ni Duterte.
Segun kenni Dela Rosa, no maikkan isuna iti gundaway ket pilienna manen nga iimplementar daitoy.
Maibasar iti datos manipud iti Philippine National Police, dumanon iti agingga 6,000 a drug personalities ti natay ken napapatay gapu kadagiti operasion ti polis.
Impetteng ti senador, daytoy laeng ti wagas tapno mangabak laban kontra iti illegal a droga ti immun-una nga administrasion.
Kinunana a nasaysayaat nu napigsa a mensahe ti maipadanon kadagiti criminal mainaig iti illegal a droga ken kadagiti madi nga aktibidad da.
Inaramid ni Dela Rosa ti nasao a statement sakbay a mangrugi ti senate hearing seknan iti drug war ti administrasion ni Duterte inton Lunes, Oktubre 28.
