Inallukoy ni Senador JV Ejercito ti Department of Energy (DOE) a rugianen ti pannakaipasdek ti strategic fuel reserve tapno masiguro iti agtultuloy a suplay ti langis ken makatulong a manglapped iti panagngato ti presyo ita a sumangsango am-amin iti sangalubongan a krisis ti enerhiya.
Iti panagdengngeg ti Senate Committee on Finance ti singasing a pondo iti DOE, impaganetget ni Ejercito ti madagdagos a pannakaipatungpal iti proyekto ken ti singasing multi-year program dahil mangangailangan ito ng malaking puhunan at panahon.
Segun iti DOE, mangrugi pay daitoy iti bassit a stockpile sakbay a mapalawa iti target a 90-nga-aldaw a reserba — 30 nga aldaw manipud iti pribado a sektor ken 60 nga aldaw ti strategic reserve iti gobierno.
Mabalin a mapondoan iti programa babaen iti corporate funds ti Philippine National Oil Company (PNOC), bayat a mabalin met a makipaset dagiti private investors iti pannakaipasdek kadagiti storage facilities.
Pinaregta pay ni Ejercito iti ahensya a papartaken iti panangnayon iti power-generation capacity. Manipud iti target a nasurok-kumurang 200 a proyekto sakbay nga agleppas iti administrasyon, 30 paylaeng iti kumpleto.
Nangipeksa pay iti panagdanag iti senador kadagiti sumagmamano a power plants a saan a maibanbanag ti sibubukel da nga operasyon ken kapasidad kabayatan iti mapadpadasan a kinakurang ti suplay iti kuryente idiay Visayas.
Adda metten iti koordinasyon iti Energy Regulatory Commission (ERC), kabayatan iti panagdeploy iti gobierno kadagiti barge ken battery energy storage system kas temporario a solusyon.
