Madanagan ni Senadora Risa Hontiveros para ti pannaka-enlist ti negosyante a ni Joseph Sy iti Philippine Coast Guard (PCG) Auxiliary, a kunana ket posible peggad para seguridad ti pagilian.
Segun kenni Hontiveros, idi laeng kallabes ket indetene ti Bureau of Immigration (BI) ni Sy gapo iti panangaramat kadagiti fraudulently acquired Philippine identity documents nga arig na Alice Guo Part 2 nga agpampammarang kas Pilipino babaen kadagiti peke a passports ken Identification Cards.
Imbatad na a nupay voluntary ken non-government iti PCGA ket makapadanag latta nga adda iti access ni Sy kadagiti tattao ken pasamak iti uneg ti hanay a mabalin a madakamat dagiti banag maipanggep ti seguridad.
