LA UNION – Impeksa dagiti sumagmamano a senador ti suportada kadagiti pinoy athletes a makisalip iti 2024 Paris Olympics manipud Hulio agingga iti Setiembre.
Impaganetget ni Senador Pia Cayetano ti narigat ken napaut a proseso ti linasat dagiti atletatayo sakbay a naaddangda iti daytoy global sporting event.
Impaganetget ni Cayetano a kasapulan a mangipaay iti maitutop a suporta, agraman ti umdas a pondo, para kadagiti kasapulan dagiti atleta.
Pinaregta pay ti senador ti amin a Pilipino a suportaran dagiti Olympians ken Paralympians tayo ta awitda ti bandera ti Pilipinas.
Indauluan ni Senate Committee on Sports Chair Senator Christopher ‘Bong’ Go ti turnover ti pinansial a tulong kadagiti atletatayo.
Kagiddan ni Go iti check turnover a naangay iti opisina ti PSC sadiay Manila ket da PSC Chair Richard Bachmann, Commissioners Bong Coo ken Ed Hayco, Executive Director Paulo Tatad, ken dadduma pay nga opisial.
Tunggal Pinoy athlete a makisalip iti Olympics ket naikkan iti ₱500,000 ti tunggal maysa tapno adda mausar iti panagsaganada.
