Impaspasiguro ni Senator Loren Legarda ti agtultuloy a pakaseknan, kinatalged, ken napirmis a kasaaad dagiti babbai ditoy pagilian.
Impadanon ti senadora ti waragawag iti kangitingitan ti pannakarambak ti International Women’s Day.
Dinakamat ni Legarda nga agtultuloy latta ti pangta iti karbengan dagiti babbai maibasar ti datos manipud ti 2024 Global Gender Gap Index (GGGI).
Mamati ni Legarda a tulbek iti umiso a dignidad ken respeto kadagiti babbai ket masarakan iti mas epektibo a proteksyon babaen ti linteg.
Lalo pay kunana a mapapigsa ken mapatibker ti pagilian iti daitoy nu suportaran ken masalakniban dagiti karbengan da kasta met ti pinainget nga access ken kalidad iti edukasyon ken panagpataud iti pantay nga oportunidad iti ekonomiya.
