Naminsan manen nga inawagan ni Senador Manuel “Lito” Lapid dagiti padana a senador nga ideklara ti Quiapo kas “national heritage cultural zone.”
Iti inpilana a Senate Bill no. 1471, naipaganetget ditoy ni Lapid a dakkel ti paset ti Quiapo iti pannakasukog ti pakasaritaan ti Pilipinas, tradision, kultura, turismo ken nangruna iti relihioso a paset.
Segun kenni Lapid, kinunana a rumbeng nga ammo ti gobierno ti kontribusion ti Quiapo iti nasional a panagdur-as ti pagilian, isu nga inbatad na a maitutop laeng a maikkan daytoy iti pammigbig.
Kabayatanna, segun kenni Lapid, kas Chairman ti Senate Committee on Tourism, ituloyna ti panagparegta agingga nga agsubli ti session inton Enero 13.
Babaen iti daytoy, kinunana, mapabiag manen ti Quaipo ken ti sentro ti ekonomia, kasta met a mangipaay kadagiti gundaway bayat a mataginayon ti cultural integrity daitoy.
