Pinawaywayan manen ni Senador Loren Legarda iti medical leavena agingga Oktubre 9.
Segun kenni Senate Secretary Renato Bantug Jr., naka-leave ni Legarda manipud Setiembre 21 agingga 23, Setiembre 28 agingga Oktubre 2, ken Oktubre 5 agingga 9.
Daytoyen iti maikanem nga extension ti medical leave ti senador, a nangrugi idi Agosto 3. Naudi a dimmar-ay ni Legarda iti sesion ti Senado idi Hulio 29.
Immunan nga inbaga ni Senador Juan Miguel Zubiri nga agpapaisidong ni Legarda iti panagagas para iti maysa a seryoso a rikriknaen iti bara ken kasapulan na pay a kompletuen dagiti sumagmamano a medical test sakbay nga agsubli iti pagilian. Saan met a naisapubliko iti eksakto a kondisionna.
Awan pay ti sigurado a petsa no kaano a makasubli iti sesion ti Senado ni Legarda.###
