BR LA UNION – Inawat ken pinagyamanan ni Senate President Sen. Francis ‘Chiz’ Escudero iti nagbalin nga insiyatibo ni Sen. Aquilino ‘Koko’ Pimentel a tumulong iti panangbukel ken panang-draft dagiti rules para iti impeachment trial ni Vice President Sara Duterte.
Kinuna ni Escudero, nagkita da iti senador iti maysa a kapihan idiay Marikina ket sadiay nga imbaga ni Pimentel iti inisyatibo na a tumulong iti panangputar dagiti rules para iti trial.
Maipagarop a saan a napateg kenni Escudero nu siasino ti mangidaulo iti trial ngem siniguro ti senador, nga amin a maawat da a tulong para iti naannayas a proseso ti impeachment ket awaten da ken dagus a maki-koordinar iti opisina ken legal team ti Senado.
Saan a mailibak ni Escudero iti kinalaing nga abogado ni Pimentel kas maysa a bar topnotcher ken maysa laeng kadagiti sumagmamano nga abogado iti uneg ti opisina dagitoy.
Kabayatanna, iti suhestiyon a timeline ni Pimentel ket agtalinaed a proposed time-table, pagbobotosan pay daytoy ken maipasidong iti deliberasyon idiay Kongreso inton agsubli t sesyon inton June 2 sakbay iti pinal a desisyon.
