Nileppasen ni Senate President Sherwin Gatchalian ti nabirngasan kas “Senateflix” wenno arig na pabuya nga ur-urayen ti publiko mainaig kadagiti naglabas a tension ti liderato iti Senado.
Kinuna ni Gatchalian a nagleppasen ti “Senateflix” ken panawenen tapno agsubli kadagiti trabaho da ti tunggal senador.
Innayon na a nakita na idi kalman a nagsublin iti institusyon kasaruno iti panagpasa ti Senado kadagiti linteg ken pinasingkedan ti promosyon dagiti lima a Heneral, kasta met ti 85 nga opisyales ti Department of Foreign Affairs (DFA).
Kadagiti sumaganad a lawas, idatag da iti singasing a nakapauneg iti Legislative-Executive Development Advisory Council wenno LEDAC ken rugianen a pormal a saganaan ti impeachment trial inton Hulyo 6.
Ipamaysa pay ti Senado dagiti dadduma a priority bills ken mangisayangkat kadagiti panagdengngeg dagiti komite kalpasan a maidutoken dagiti chairman, vice chairmen, ken miembro da.
Nakataripnong ni Gatchalian kadagiti dadduma a miembro ti minority bloc ken nagyaman iti pannakipaset da iti sesyon idi kalman. Segun kenkuana, nangipeksa metlaeng iti minorya ti tarigagay da nga agtrabaho.
