Inwaragawag ni Senator Imee Marcos a saanna a kayat ti impeachment, destabilisasyon, revolutionary government ken resignation agsipud kunana saanna a kayat ti riribok.
Daytoy iti nagbalin a reaksiyon ni Senador Marcos seknan iti pannaka-impeach ni VP Sara ken pannakai-transmit iti artivles of impeachment idiay Senado.
Kinuna na nga imbes a pagsayangan ti oras dagiti isyu a saan a makatulong iti ili, nasay-sayaat a tutukan dagiti pudno a problema dagiti umili a Pilipino, nangato a presyo dagiti gagatangen ken bagas, kaawaan ti trabaho ken nababa a suweldo, kinakurang ti suporta kadagiti mannalon, PWD, seniors, ken dadduma pay a sektor ti gobyerno.
Kabayatanna, nangipeksa met ti panang-respeto ni Senate President Francis ‘Chiz” Escudero iti nagbalin a waragawag ni Senator Imee Marcos
Kinuna pay ni Escudero nga awan ti makagapo tapno iyapura dagiti senador nga agtugaw iti impeachment court, nangruna ket naipatulod ti articles of impeachment, sumagmamano laengen nga oras sakbay nga ag-adjourn iti sesyon.
Ngem siniguro ni Escudero a kabayatan ti session break, usaren da daytoy a gundaway nga adalen ken basaen dagiti mammanday linteg iti impeachment complaint kontra kenni Duterte.
Siniguro na pay nga aramiden ti senado iti constituional duty daytoy a panangusig iti kaso ti bise presidente ket posible nga inton malpas ti eleksiyon nga aramiden dagiti mammanday linteg iti pagrebbengan da a mangtaming ti nasao a reklamo.
