LA UNION – Naisayangkat idi kalman ti send off ceremony iti nasurok 300 a pulis nga agserbi nga augmentation force, iti nakatuding a VCMs distribution iti 19 nga ili ken maysa a syudad ditoy probinsiya ti La Union.
Manipud iti nasao a bilang, 252 dagiti naggapo ti Police Regional Office bayat a 62 ti nagtaud iti La Union Police Provincial Office (LUPPO).
Daytoy ti kinumpirma iti Bombo Radyo La Union ni Pol. Major Silverio Ordinado, agdama a Police Relation Officer ti LUPPO.
Immunan nga intuding ti Commission on Elections (Comelec) iti deployment dagiti mausar a vote counting machines inton eleksiyon, inton May 8-9, 2019.
Ngem iti agdama, temporaryo nga agtalinaed pay laeng dagiti nasao a pulis iti police stations ken mai-deploy da inton maibunong dagiti makina iti naduma-duma nga ditoy probinsiya.
