Dimmanon iti 39 ti bilang dagiti natay kalpasan a nabaliktad ti maysa a balsa a nagluganan dagiti migrante nga agturong idiay Spain iti baybay iti asideg ti Senegal iti West Africa.
Sigun iti emergency services iti pagilian, immadu ti bilang dagiti natay kalpasan a nasarakan ti dadduma a bangkay ita a Lunes, Nobiembre 9.
Nagluas ti nasao a balsa idiay Saint-Louis iti makin-amianan a Senegal ngem nabaliktad daytoy iti asideg ti ili ti Kébémer.
Maysa laeng ti nairekord a nakalasat bayat a madama pay laeng nga amamwen nu mano ti bilang dagiti mapukpukaw.
Inkari met ni Senegal President Bassirou Diomaye Faye a paingtenna ti kampania kontra kadagiti grupo iti likudan ti napeggad nga ilegal a panagdaliasat dagiti migrante.
