Impaganetget ni retired Supreme Court Senior Associate Justice Antonio Carpio nga intandudo a iti due process tapno makibiang iti impeachment case kontra kenni Bise Presidente Sara Duterte.
Inlawlawag ni Carpio a sinurot da ti proseso kas maiyannurot iti Konstitusyon ken babaen ti allagaden ti korte sabali pay ti panakibiang ti 1Sambayan agsipud ta daitoy ket napateg la unay a kaso.
Kinunana nga adda idin iti impila da a kaso seknan ti confidential funds kapada nga isyu metlaeng iti naipila nga impeachment case kontra iti Bise Presidente.
Nupay imbatad ni Carpio a saan da met a Korte Suprema nu di ket sumursurot laeng iti proseso nga inlatag ti nakangatngato a hukom.
Maipalagip nga immunan a kiniddaw ti koalisyon ken dadduma pay a grupo iti Korte Suprema nga ag-isyu ti status quo ante order a mangpasardeng ti proceedings ti impeachment trial.
Daitoy ket babaen ti panangipila ti mosyon tapno mapalubosan a makibiang iti impeachment cases kasta met tapno awaten iti motion for reconsideration da.
Kiniddaw da iti korte nga ag-isyu ti status quo ante order ken mangituding ti oral arguments para iti nasao a kaso.
