Apresyaran ti maysa a Senior/Concern Citizen ti dadduma a linaon iti State Of the Nation Address (SONA) ni Presidente Rodrigo Duterte idi kalman.
Segun kenni Mr. Tony, 73, residente ti Luna, La Union, kinuna na a numan napintas iti wagas ti war on drugs ni pangulo Duterte ket saan pay laeng nga umdas tapno maparmek iti panagra-ira ti illegal a droga iti pagilian.
Kas maysa a senior citizen kuna na dakkel a tulong kadakuada ti maaw-awat a social pension ngem makapaliday agsipudta mapilpili iti lamang ti maik-ikkan.
Maragsakan met daytoy a nakissayan dagiti mapaspasamak a kriminalidad iti pagilian iti panagtugaw ni pangulo Duterte.
Kabayatan na, iti laksid a nairot ti maipapatungpal a linteg ket adu pay ti agar-aramid ti kinadakes kangruna na iti corruption.
