Pinatawan ti 24 a tawen a suspensiyon iti Serbian tennis player a ni Stefan Milicevic, 29-anyos, gapu iti panagurnos ti resulta dagiti laban ken maipagarop a panagbukel ti ilegal a network a karman iti match-fixing.
Segun iti International Tennis Integrity Agency (ITIA), inurnos ni Milicevic iti resulta ti innem a laban, karaman iti lima nga isuna mismo iti nakipaset, ken pinadas a manipulaen iti innem pay a laban manipud 2022 agingga 2024.
Inakusaran met isuna a nangallukoy ti dadduma pay a propesyonal a player a mangisayangkat ti nasao nga aramid.
Laksid iti suspensiyon, pinagmulta met ni Stefan ti 70-k a dolyar.
Bayat a suspendido, maiparit isuna nga agay-ayam, ag-coach, wenno dumar-ay kadagiti torneo nga inorganisa wenno bigbigbigen ti kangrunaan nga organisasyon ti tennis.
Agleppas iti suspensiyon na inton Oktubre 8, 2050.
