Naisayangkat iti napateg a diskusion iti budget idiay Bacnotan Public Market a nakipasetan dagiti nadumaduma a pannakabagi ti gobierno, pakairamanan ti sumagmamano a sekretario ti gabinete, lokal nga opisial, ken umili.
Tarigagay daytoy a panagtitipon a nalawag a maiparang dagiti prioridad ti gobierno iti badyet ken no kasano a direkta a magunggonaan dagiti komunidad.
Kabayatan ti diskusion, naipaganetget iti kinapateg ti umno a pannakailatang ti badyet para iti serbisio ti salun-at, edukasion, pagbiag, ken social assistance.
Segun kadagiti opisial, ti silulukat a diskusion iti manglukat ti dalan tapno ad-adda a mangngeg iti timek ti publiko ken masigurado a mapan ti pondo kadagiti programa a pudno a kasapulan dagiti umili.
Malaksid iti isyu ti badyet, dakkel met iti aktibo a pannakipaset dagiti nadumaduma nga ahensia ti gobierno.
Maipapan iti serbisyo caravan ket nangisayangkat ti Department of Health kadagiti health awareness activities kas iti libre a konsultasyon ken panangipaay ti impormasyon mainaig iti umno a pannakataripato ti salun-at.
Panggep daytoy a mapapigsa ti pannakaammo ti publiko maipapan iti pananglapped iti sakit ken panangtaginayon iti nasalun-at nga estilo ti panagbiag.
Kabayatanna, impaganetget ti Department of Education iti kinapateg ti edukasion, pakairamanan iti pannakaiwaras dagiti learning materials ken orientation para kadagiti nagannak ken estudiante. Ipakpakita daytoy no kasano a suportaran ti badyet ti pannakapasayaat ti kalidad ti edukasion kadagiti publiko a pagadalan.
Nangipapaay ti impormasion iti Department of Social Welfare and Development maipapan kadagiti programa ti social assistance. Adu nga umili ti naikkan iti giya no kasano ti makagun-od iti pinansial a tulong ken dadduma pay a serbisio sosial.
Impakita ti Department of Agriculture dagiti proyekto a mangsuporta kadagiti mannalon, pakairamanan dagiti moderno a teknik ti panagmula, tulong iti produksion, ken panangibunong dagiti libre a bin-i.
Kagiddan daytoy, nangipaay ti Bureau of Fisheries and Aquatic Resources iti impormasion maipapan iti pannakakonserba dagiti gameng iti baybay ken pannakapapigsa ti panagbiag dagiti mangngalap.
Nakipaset pay ti Department of Trade and Industry babaen ti panangipaayda iti impormasion maipapan kadagiti programa ti negosio, suporta para kadagiti agtagikua iti babassit a negosio, ken gundaway iti pagbiag a mabalin a pakagunggonaan ti lokal a komunidad.
Ipakpakita ti panagtitipon iti kinapateg ti koordinasion dagiti nadumaduma nga ahensia tapno masigurado nga adda ti konkreto nga epekto ti tunggal programa iti komunidad.
Dagiti aktibidad ket pammaneknek iti agtultuloy a panagregget ti gobierno nga agbalin nga ad-adda a silulukat, ad-adda nga epektibo, ken ad-adda a makasungbat kadagiti pudno a kasapulan dagiti umili.
