Sinuspinde ni La Union Governor Raphaelle Veronica “RAFY” Ortega-David iti klase ti amin a level iti public ken private schools, ken trabaho iti amin nga opisina ti gobyerno ita nga aldaw, Hulyo 26, gaputi saan a nasayaat a kasasaad ti panawen a gapwanan ti Super Typhoon Egay.
Segun kenni Information Officer Rowan Joshua Dimaculangan ti Provincial Gov’t. of La Union iti anunsiyo ket nakailanad iti Executive Order No. 16, series of 2023.
Iti addang ti gobernador ket tapno masiguro iti kinatalged dagiti umili ditoy probinsiya babaen iti panagtalinaed iti bukod a babbalay.
Kabayatanna, naitalek met iti management ti naduma-duma a private establishments ken kompanya, nu pastreken da wenno saan dagiti mangmangged dagitoy.
Naka red-alert iti amin a Local Disaster Coordinating Councils iti intero a probinsiya gaputi Super Typhoon Egay.
Segun kenni Public Information Officer Rowan Joshua Dimaculangan ti La Union, nakasagana ti gobyerno nga umarayat kadagiti umili nga agkasapolan ti tulong.
Nang-nangruna kunana dagiti umili nga immakar kadagiti naduma-duma nga evacuation centers.
Kabilang iti linaun ti pakete a maited a tulong iti tunggal pamilya ket iti taraon, danum, hygiene ken medicine kits.
