Maysa a resurgent drug personality ti inarestar dagiti nagtipon a pwersa ti Philippine Drug Enforcement Agency – La Union Provincial Office, Caba Police Station, ken La Union Police Provincial Office-Provincial Drug Enforcement Unit kabayatan ti implementasyon ti search warrant a nangitunda met ti pannakarekobre ti ilegal a droga ken paltog wenno firearm sadiay Caba, La Union.
Babaen kenni PDEA RO 1 Regional Director, Director III Joel B Plaza ket nabigbig ti suspek a ni Randy R. Obdianela, 57-anyos, maysa nga high-value target drug personality, ken residente ti nasao nga ili.
Naarestar ni Obdianela idi alas 8:30 ti bigat idi Marso 12, agdama a tawen ken narekobre kenkuana ti sangapulo a pidaso ti heat-sealed transparent plastic sachet a naglaon ti shabu nga aggatad ti P6,800K, maysa nga homemade shotgun, dua a live ammunitions para iti caliber 12 gauge shotgun, maysa a kaha ti sigarilyo, ken opened transparent plastic sachet.
Mapilaan ti suspek iti kaso para iti panaglabsing ti Section 11 (Possession of Dangerous Drugs), Article II iti RA 9165 wenno Comprehensive Dangerous Dugs Act of 2002 nga agdama itan a nakadetene sadiay PDEA RO I jail facility idiay Camp Diego Silang, Carlatan, San Fernando City, La Union.
# # #
