LA UNION – Dua a transparent plastic sachet a mapapati a naglaun ti shabu iti maipagarop a nadiskubre dagiti otoridad iti maysa a boarding house iti Barangay Catbangen, San Fernando City, La Union.
Maibasar iti report, dagiti nasao nga illegal drugs a nabalkot iti aluminum foil ken papel ket maipagarop a nakita dagiti otoridad iti rabaw ti refrigerator.
Immuna ti daytoy, nangisayangkat dagiti otoridad ti anti illegal drug operation iti maysa a boarding house iti nasao a lugar.
Nupay kasta, saan a nadanon dagiti otoridad iti subject person, managan Dandi Pineda, residente ti Barangay Poro, San Fernando City.
Naamwan a ti nasao a boarding house ket pagdagdagusan iti kaanakan ti nasao a suspek.
Dagiti nakumpiskar a droga ket adda ita ti custodiya ti San Fernando City Police Station.
Kabayatanna, impaganetget iti kaanakan ti suspek a saan na nga ammo nga adda ti iligal a droga iti uneg ti pagdagdagusan daytoy.
