Kimmapsuten ti sigud a Bagyo Neneng ken maysa itan a Low Pressure Area, ken nakaruaren iti Philippine Area of Responsibility (PAR).
Naudi a nasaripatpatan iti sentro ti Low Pressure Area iti kaadayo a 480 km Amianan ti Itbayat, Batanes ken dandani saan nga agkutkuti.
Naudi met a nasaripatpatan iti ruar ti PAR iti Severe Tropical Storm Saudel iti kaadayo a 2,735 km Daya ti Eastern Visayas.
Kabuyogna iti kapigsa ti angin a 95 km/h asideg ti tengnga ken kapegges nga agingga 115 km/h bayat a dupdupagen iti amianan amianan a palaud iti kapaspas a 25 km/h.
Kabayatanna, makapadas ti nalulem a tangatang, mawaraswras a panagtudo ken panagguruod iti Ilocos Norte, Ilocos Sur, Apayao, Abra, Batanes, ken Cagayan gapu ti Southwest Monsoon.
Iti kapada a weather system iti mangipaay ti mapatto-pattok a panagarbis idiay Metro Manila ken iti nabatbati a paset ti Luzon.
Bayat a localized thunderstorms iti mangapektar iti nabatbati a paset ti pagilian.
SUNRISE: 5:43 AM
SUNSET: 6:19 PM
