Inawat ni Bureau of Internal Revenue (BIR) Commissioner Charlito Martin R. Mendoza iti baro a posisyon kas lider ti Bureau of Customs (BOC) kalpasan a dinutokan ni Presidente Ferdinand R. Marcos Jr.
Iti maysa nga opisyal a waragawag idi Nobyembre 12, 2026, nagyaman ni Mendoza iti Presidente iti panagtalek kenkuana ken dagiti kameng ti ahensiya a nakadwa na iti panangipatungpal ti long-term digital transformation iti napalabas a tawen.
Inallokoy na dagiti opisyal ken empleyado ti ahensiya nga ipaay ti sibubukel a suporta iti panagtakem ni Commissioner Rolando T. Ligon, Jr. tapno maitultuloy dagiti proyekto a modernisasyon iti buwis, kagiddan ti panagyaman na kenni Finance Secretary Frederick D. Go iti pannarabay daytoy.
Binigbig ni Mendoza dagiti reporma a rinugyan ni Commissioner Ariel F. Nepomuceno iti Bureau of Customs ken nagkari nga itultuloy ken palawaen na dagiti narugyan nga addang iti ahensiya .
Siniguro iti baro a lider ti Customs a nakasagana a makitinnulong kadagiti kameng ti ahensya tapno papigsaen iti border protection, mapagtalinaed iti nangato a koleksyon ti birok ken mapapartak iti lehitimo a kalakalan maitunos kadagiti prayoridad da Presidente Marcos ken Secretary Go.
