Naangay ti 16-oras a nainget a capacity-building program ti Provincial Government of La Union (PGLU), babaen ti Office of the Provincial Agriculturist – Crops and Soils Unit, idi Hunyo 29 agingga 30, 2026 idiay Ten C Agriculture Cooperative Office idiay Barangay Nagsaraboan, Bacnotan, La Union, tapno isuro iti panagaramid kadagiti high-value artisanal products manipud ti corn waste.
Panggep ti panagsanay nga usaren ti 95% ti maize plant a pakairamanan dagiti bulong, stalks, cobs, ken husks a kadawyan a maibelleng wenno mapupuoran. Nasuruan dagiti 30 a nakipaset nga aramiden a commercial products dagiti residue, a kas kadagiti twine ropes, bag, ken home décors.
Personal a nangipaay ti suporta ni Board Member ken Committee Chair on Gender and Development Maria Rosario Eufrosina “Chary” Nisce, a nangipaganetget iti dakkel a potensial ti proyekto iti panagdur-as ti ekonomia.
Nagserbi a resource speakers da Luzviminda Edna Cacanindin ken Lito C. Mabanta manipud iti Maize Crafters de San Juan Agrarian Reform Cooperative, a nangibingay iti eksperto a pannakaammo ken kapadasan iti panagaramid kadagiti artisanal a produkto manipud iti residue ti mais.
Maysa met a benepisyario ti Ten C Agriculture Cooperative iti 100-hectare Corn Model Farm babaen ti Farms and Fisheries Clustering and Consolidation ken Corn Banner Program ti Department of Agriculture. Gapu iti daytoy, karaman iti kooperatiba kadagiti kangrunaan a pagtaudan ti agricultural biomass ti probinsia.
Nakipamaysa iti programa ti Local Government Unit of Bacnotan, Municipal Agriculture Office, ken Department of Agriculture – Regional Office 1. Dimmar-ay met da Executive Assistant Denver Badua, Municipal Agriculturist Dr. Divina Gracia G. Apigo, Municipal Corn Coordinator Sherilyn Valmonte, ken La Union Corn Focal Anne Lovelle Dato, RAgr.
Paset met iti programa dagiti technical ken mobilization teams, a pakairamanan da Provincial Corn and IPM Coordinator Aeron Matt Isiah H. Suyatan, RAgr., Provincial Corn Seeds Coordinator Jennifer D. Quinzon, RAgr., ken Provincial Corn Techno Demo Coordinator Franco O. Rillera, RAgr.###
