Nakasagana a tumestigo ni sigud a Philippine National Police (PNP) Chief Nicolas Torre III kontra kenni Kingdom of Jesus Christ founder Apollo Quiboloy.
Segun kenni Torre, nakaituding inton sumaruno a dominggo iti umuna nga appearance na, ngem saan pay a sigurado nu makaumay gapu ta agtaltalinaed a naka-leave kabayatan nga adda ti conflict maipanggep iti schedule ita nga aldaw.
Agtultuloy ti leave ni Torre agingana Oktubre 31 a nangrugi idi Agosto 26.
Maipalagip nga isuna iti nangidaulo ti panakabirok ken panakakemmeg kenni Quiboloy, kalpasan ti mano nga aldaw a police operation iti compound ti KOJC idiay Davao City.
Agtaltalinaed iti suporta na kadagiti proyekto ti gobierno, kas iti Bagong Pilipinas Program ni Presidente Ferdinand Bongbong Marcos.
Innayon na pay nga iti laksid ti agdama a riribok, saan a rumbeng a mapukaw iti suporta ti tunggal maysa iti Saligang Batas, ken panagtungpal iti chain of command.
