Itinalaga ni Pangulong Ferdinand Marcos Jr. si dating Sen. Francis Tolentino bilang bagong kalihim ng Department of Labor and Employment (DOLE).
Pinalitan niya si Sec. Bienvenido Laguesma, na nagbitiw sa puwesto dahil sa kalusugan matapos magsilbi mula 2022 hanggang 2026.
Si Tolentino ay isang abogado at dating Senate Majority Leader na nagsilbi sa Senado mula 2019 hanggang 2025.
Bago ang kaniyang karera sa lehislatura, naging chairperson siya ng Metropolitan Manila Development Authority (MMDA) at nakilala sa disaster preparedness at urban management.
Samantala, si Laguesma ay isang beteranong opisyal na nagsimula sa DOLE noong dekada 1970 bilang labor arbiter.
Naging kalihim siya ng DOLE sa ilalim ni dating Pangulong Joseph Estrada mula 1998 hanggang 2001 at muling bumalik sa parehong posisyon sa administrasyong Marcos Jr. noong 2022.
Nagsilbi rin siya bilang commissioner ng Social Security System (SSS) mula 2011 hanggang 2016.
Dumating ang appointment ni Tolentino sa gitna ng mga hamon sa sektor ng paggawa kabilang ang mataas na presyo ng bilihin, wage adjustments, proteksyon sa manggagawa, at labor migration.
