Naidarom ni sigud a First Lady Kim Keon Hee gaputi bribery ken dadduma pay a kaso iti kangitingitan ti krisis ti martial law ken dagiti scandals a nakairamanan da kenni sigud a South Korean President Yoon Suk Yeol.
Kasaruno ti panakaidarom ni Kim, nagkiddaw daytoy ti dispensar ken impasigurado a sangwen na iti kaso.
No mapaneknekan a guilty wenno nagbasol iti sigud a first lady, maibalod daytoy ti sumagmamano a tawen gaputi stock fraud agingana ti suspected bribery.
Karaman kadagiti akusasyon kontra kenni Kim ket iti panangawat na ti pasuksok nga aggatad ti 80 million won pakairamanan ti dua a Chanel bags ken maysa a diamond necklace maipud iti maysa nga opisyal ti Unification Church, kasukat iti panangaramat ti impluwensyana tapno tulungan dagiti interest ti negosyo. Pinaglibakan met daytoy dagiti abogadona, pakairamanan iti panangawat na kadagiti regalo.
Agpada ni Yoon kenni Kim a naarestar ken addan iti pagbaludan. Agdama metten a maisaysayangkat ti panagusing kenni Yoon kadagiti kasona pakairamanan iti insurhensiya kalpasan ti panangipatungpal na ti martial law idi Disyembre, napalabas a tawen.#
