Na-cite in contempt ni sigud a Bulacan 1st District Assistant District Engineer Brice Hernandez gaputi panagulbod na iti komite.
Inaprobaran ni Blue Ribbon committee chairman Senator Rodante Marcoleta ken awan ti kimontra iti inaramid ni Senador Erwin Tuldo iti mosyon ken sinuportaran ni Senate President Pro Tempore Jinggoy Estrada.
Iti naisayangkat a panagdingeg ti House Blue Ribbon Committee ita nga aldaw, ado dagiti banag a pinaglibakan ken saan a sinungbatan ni Hernandez kangrunaan iti impormasyon maipanggep iti panagcasino na.
Impaganetgetna a saan na a bukod a kuarta iti insugal na no di ket kuarta ni sigud a Bulacan First District engineer Henry Alcantara.
Maipalagip nga immunan nga inaklon ni Alcantara a mangipapaabak da ti P300-M iti casino kadua dagiti district engineers.
Kabayatanna, saan met a naidetine a dagos ni Hernandez iti pasilidad ti Senado gapo ta kiniddaw dagiti Senador nga agtalinaed isuna iti session hall tapno sungbatan dagiti dadduma a damag.###
