Ilunglungalong da House Majority Leader Sandro Marcos ken House Speaker Bojie Dy ti House Bill No. 10430 wenno Systems Loss Charge Abolition Act, nga addaan panggep nga ikkaten iti system loss kas naisina a singir iti binulan a bayad ti kuryente.
Iti sidong ti gakat, saanen a mabalin nga ipasa kadagiti consumers dagiti gastos nga ingubuay ti power theft, nadadael a metro, nakapuy a koleksion, kinakurang iti maintenance, saan nga episyente nga operasyon ken dadduma pay a kapalpakan dagiti distribution utility.
Mapalubusan laeng ti Energy Regulatory Commission (ERC) nga aprobaran iti pannakaibabawi dagiti nainkalintegan ken kasapulan a gastos para iti nasayaat a pannakaiwaras ti kuryente.
Binilin met ti ERC a mangipatungpal ti minimum efficiency standards para kadagiti distribution utility ken in-inut nga ipatungpal ti reporma iti uneg ti tallo a tawen.
No maipasa a linteg, mairuar dagiti implementing rules iti uneg ti 90 nga aldaw ken maipatungpal a linteg kalpasan ti 15 nga aldaw manipud iti pannakapablaakna.###
