Inaprobaranen ti Kamara iti maikadua a panagbasa iti singasing a mangpawayway iti validity ti Professional Regulation Commission (PRC) identification cards manipud tallo agingga lima a tawen.
Babaen ti voice voting, naipasa ti House Bill No. 8876 tapno maksayan iti gastos ken paulit-ulit a proseso ti renewal para iti minilyon a propesional.
Segun kenni Leyte Rep. Ferdinand Martin G. Romualdez, tarigagay ti singasing a mapalag-an iti dadagsen dagiti mannursuro, nurse, engineer, architect, accountant, ken dadduma pay a professionals.
Karaman kadagiti probision ti singasing iti:
- panangpawayway iti validity ti Professional Identification Cards (PIC) iti lima a tawen;
- panag-upgrade ti digital registration system ti PRC iti uneg ti innem a bulan manipud iti panangipatungpal ti linteg; ken
- panagkissay ti atiddog a pila ken congestion iti appointment system.
Kenuna ni Rep. Romualdez a makaipaay daytoy ti ad-ado nga oras para kadagiti propesional nga ipamaysa dagiti trabaho-da ken serbisio iti pagilian.
Napagtitipon iti HB 8876 dagiti siam a nagsisina a singasing iti sidong ti panangidaulo da Speaker Faustino “Bojie” G. Dy III ken House Majority Leader Ferdinand Alexander “Sandro” A. Marcos, maitunos iti direktiba ni Presidente Ferdinand Marcos Jr. nga i-modernisa iti serbisio ti gobierno.###
